الموتـ اهونـ ولا اعيشـ العمر دونكــ..!

لو كان صعب اتّخيّل يومك بدوني
الموت أهْون ولا أعيش العمر دونك


ماحد غيرك سكن في مقلة عيوني
وماحد غيري سكن في مقلة عيونك


أشتاق شوفك مابين اللي يحبوني
وأغار لا صرت وسط اللي يحبونك


يا كثرة الناس حولي ولاحدٍ عوني
ما غير صوتك ينادي يا الغلا عونك


إن مر طيفك ع بالي يبتهج كوني
وإن ضاق كونك أجيك ويبتهج كونك


بالله شفني فغيابك شاحبٍ لوني
ما كنّي الا مزيجٍ ينقصه لونك


أبات ليلي ودمعي يطفي شجوني
وانْته دموعك لهبها يشعل شجونك


والناس حولي عن دروبك يجروني
ما يدروا أنه الى موتك يجرونك


أخاف باكر يجي ويهدّم ركوني
والخوف ساسي يطيح ويهدم ركونك


الأفكار تلعب ولا أدْري وين ودّوني
وأدْري مثل ما يودّوني يودّونك

تسلمين ياغالية ومشكورة عالرد وصح بدنك يالحلا كلو .
دمتي سالمة