المعاقـ هو معاقـ الفكر.......

نظرة حزن تجتاحني من كل صـوب
ما أدري ألم ما ادْري عطف والا عتـاب


يا ضيق وقتٍ يخنق الوجه الشّحوب
ماتدري أني مؤمـن بـرب الكتـاب


معاق جسمي والفكر يطوي الدّروب
كم من سليم الجسم يتبع له سـراب


راضي بحالي لو محال آشـل كـوب
أعلم من الله عاقتي ومنْـه الثـواب


أستقبل عيون الملا بصـدرٍ رحـوب
مرتاح لو قالوا بأنـي فـي عـذاب


أدري شمال الأرض وأدري بالجنوب
وأدري الثعالب ما تجي جنْب الذياب


وأدري بـأن الله غفّـار الـذنـوب
وأدري بأن السيل ياتي م السّحـاب


وأدري صدوق القول وأدري بالكذوب
وأدري الحرامي لازم أن يلقى عقاب


وأدري بعد ماحدْ خالـي م العيـوب
وأدري البحر مالح لأن الملـح ذاب


النفس تخطي والأجر للـي يتـوب
والله يعين اللي الخطا فعينه صواب


وأدري الكريم فوقتنا فاضي الجيوب
وأدري البعض يجهل بأن أصله تراب


صحيح ماني بالذي يحمـل الطـوب
لكن عزمي يمسح جبـال وهضـاب


في عيني اليمنى أرى رماح وحروب
وفي أختها سبعٍ ملك سبعين غـاب


أحس بالنسمـة إذا هبّـت هبـوب
مـا كنّهـا الا تبـا تعتـق رقـاب


لبست من صبري على الشّدات ثوب
أحسب لنفسي قبل ياتيها الحسـاب


مدام فكري عن بقى جسمي ينـوب
ما هاب غير الله ولا غيـره يُهـاب

كلك ذووق يالغلاهمـ ويسلم لنا نبض قلبك وردودك الحلوة.
دمتي سالمة